Почнува вакцинацијата против сезонски грип која ќе се спроведува во 35 вакцинални пуктови. Досега пријавени се 43 илјади граѓани.
Министерството за здравство информира дека се набавени 80 илјади дози од четиривалентната вакцина од „Абот“ од Холандија.
Сите заинтересирани може да се пријават за вакцинација преку матичните лекари или преку апликацијата vakcinacija.mk.
Со бесплатната вакцинација се опфатени сите ризични категории граѓани поточно повозрасни лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, како и лицата сместени во установи за социјална заштита на стари лица и вработените во овие установи.
