Оваа година модната ревија на Викторија Сикрет се одржа на 15 октомври и се емитуваше во живо на Prime Video и Amazon Live, одбележувајќи го спектакуларното враќање на најгламурозниот моден настан во светот. Меѓу десетиците убави модели кои ги видовме на модната писта, Јасмин Тукс стана ѕвезда на вечерта.
34-годишниот супермодел ја импресионираше публиката кога го отвори овогодишното шоу на Викторија Сикрет со бремен стомак. Тукс, која во јули објавила дека го очекува второто дете со сопругот Хуан Давид Бореро, зрачела радост и смиреност кога стапнала на модната писта во Бруклин, Њујорк.
Во класичниот стил на Викторија Сикрет, Јасмин се појавила на сцената со импресивни златни ангелски крилја украсени со орнаменти и светлосни елементи. Очите беа вперени во неа – не само поради брилијантноста, туку и поради големиот сјај што го имаше.
Јасмин Тукс носеше златен мрежест костим за капење кој нежно го нагласуваше нејзиниот огромен бремен стомак во деветтиот месец. Во еден од најтрогателните моменти од вечерта, Тукс застана на средината на подиумот и внимателно ги стави рацете на стомакот – гест кој ги стопи срцата на навивачите, како што забележа People.
За нејзината шминка, Јасмин избра природен тон на телото – меки усни и деликатен изглед. Нејзината коса беше распуштена и разделена на средината, а мал ветер на сцената го нагласуваше движењето на нејзините свилени прамени.
Од вратот надолу, сјајот на нејзиното тело беше резултат на нејзиниот сопствен производ, Brunel Golden Hour Glow Body Oil, нанесен од легендарниот шминкер Пет Мекграт.
Бремената убавица го очекува своето второ дете со нејзиниот сопруг Бореро. Во текот на летото, таа сподели на Инстаграм прекрасни фотографии од нејзината бремена фотосесија, облечена целосно во бело, на позадина на сликовит пејзаж.
Во интервју за Vogue, Јасмин откри дека нејзината втора бременост била неочекувано изненадување: “Сакам да планирам. Отсекогаш сакавме уште едно дете, но само го чекавме вистинскиот момент кога и двајцата не патувавме толку многу”.
Новороденото бебе ќе ѝ се придружи на првородената ќерка на двојката, Миа Викторија, родена во февруари 2023 година.
Јасмин Тукс го направи своето деби во шоуто Викторија Сикрет во 2012 година, а само три години подоцна во 2015 година, таа стана официјален “ангел” на Викторија Сикрет. Оттогаш, таа е една од најпрепознатливите лица на брендот, комбинирајќи грациозност, сила и женственост.
