Дури и по големо сексуално искуство, многумина се среќаваат со чуден феномен кој ги обзема, што е изненадувачки честа појава. Со текот на годините, повеќето луѓе подобро ја познаваат сопствената сексуалност и откриваат што им одговара, а што не, со или без партнер. Сепак, постои често неискажано чувство кое се случува веднаш по кулминацијата, пишува Unilad.
Не се работи за т.н. пост-оргазмичка јасност – чувство на ментална јасност по оргазам. Тоа е бран на тага, вознемиреност, срам па дури и силна потреба за плачење по интимен секс или мастурбација.
Што е посткоитална дисфорија?
Исто така, постои и техничко име за ова чувство – посткоитална дисфорија – и се верува дека изненадувачки голем број на сексуално активни луѓе го доживеале тоа барем еднаш во животот. Студија од 2015 година, објавена во списанието Сексуална медицина, покажала дека 46% од 230 испитани жени на возраст помеѓу 18 и 55 години имале PCD. Слично на тоа, прашалникот од 2019 година спроведен на 1208 мажи покажа дека 41% од нив пријавиле барем една епизода на PCD во нивниот живот.
Психотерапевтот за секс и односи Џиџи Енгл го објасни овој феномен за Метро: “Посткоитална дисфорија, често нарекувана “пост-сексуална тага” – е кога некој доживува чувство на тага или вознемиреност по секс по консензуална согласност, дури и ако сексуалната средба била љубовна и пријатна.” Таа додала: “Ова може да се случи без оглед на тоа дали оргазмот е доживеан или не, но често е коморбидитет со оргазам”.
Можни причини и решенија
За жал, нема многу студии за причините за PCD. Експертите за ментално здравје понудиле голем број на можни објаснувања. Некои тврдат дека чувствата по оргазам може да бидат поврзани со историја на сексуална злоупотреба, чувство на одбивност кон секс, анксиозност, лошо расположение или тешкотии во врската или животот воопшто.
Експертите напоменуваат дека повремената појава на ова чувство не мора да значи причина за загриженост. Сепак, ако станува постојан проблем, се препорачува да се разговара со терапевт. Публикацијата Psych Central исто така сугерира дека советувањето на двојки може да помогне во решавањето на сите основни проблеми во врската.
