„С&П Глобал Рејтингс“ во петокот објави дека го намалува долгорочниот и краткорочниот суверен кредитен рејтинг на Франција во странска и локална валута од AA-/A-1+ на A+/A-1, објави АФП.

Рејтинг агенцијата забележа дека изгледите за Франција остануваат стабилни , балансирајќи го „зголемениот јавен долг и слабиот политички консензус за темпото на фискална консолидација со кредитните предности на земјата, вклучувајќи богата и избалансирана економија, големи приватни заштеди, голем и ликвиден финансиски сектор и членство во еврозоната“.

„С&П Глобал Рејтингс“ нагласи дека очекува Франција да ја исполни својата цел за буџетски дефицит од 5,4% од БДП оваа година , но рече дека неизвесноста околу јавните финансии на земјата „останува висока“.

„Веруваме дека во отсуство на значајни дополнителни мерки за намалување на буџетскиот дефицит, консолидацијата на буџетот во нашиот прогнозен хоризонт ќе биде побавна од очекуваното“, забележа агенцијата.