Високата претставничка на Европската Унија за надворешни работи и безбедносна политика, Каја Калас, денес изјави дека очекува ЕУ да го одобри 19-тиот пакет санкции против Русија оваа недела, нагласувајќи дека се работи на мерки за солидарност за Белгија во врска со замрзнатите руски средства во ЕУ.
Таа нагласи пред состанокот на министрите за надворешни работи на ЕУ во Луксембург дека пакетот санкции нема да биде усвоен денес, објави Ројтерс.
Зборувајќи за можната посета на рускиот претседател Владимир Путин на Будимпешта, Калас рече дека тоа „воопшто не е убаво“.
„Не гледаме дека Русија навистина сака мир“, рече Калас.
Американскиот претседател Доналд Трамп минатата недела изјави дека ќе се сретне со Путин во Будимпешта, „за да разговараат за можноста за завршување на војната меѓу Русија и Украина“.
