Договорот, чија вредност се проценува на 750 милиони долари, стапува на сила од сезоната 2026 година, со што Apple TV станува единствената платформа за гледање на сите Гран При трки, тренинзи и квалификации, пишува Hypebeast .
По успехот на филмот
Оваа масовна инвестиција доаѓа веднаш по неверојатниот глобален успех на „Формула 1: Филмот“ на Apple, кој сруши рекорди како спортски филм со најголема заработка во историјата. Партнерството е логичен чекор за понатамошно зајакнување на популарноста на Формула 1, а Apple ветува динамично и подобрено искуство за гледање за сите свои корисници.
Важно е да се напомене дека целата содржина на F1, вклучувајќи ги и функциите на F1 TV Premium, ќе бидат достапни во рамките на стандардната претплата на Apple TV, без дополнителни трошоци.
Извршниот директор на Формула 1, Стефано Доменикали, и вишиот потпретседател за услуги на Apple, Еди Кју, ја истакнаа заедничката визија заснована на раст и иновации. Apple планира да ја интегрира содржината од Формула 1 во целиот свој екосистем, кој вклучува платформи како Apple News, Apple Maps, па дури и Apple Fitness+.
Со напуштање на традиционалните кабелски канали и преминување кон ексклузивно стримување, Apple презема пресметан ризик со јасна цел – да привлече помлада, технолошки упатена и побогата публика.
