Апелацискиот суд на Соединетите Американски Држави пресуди дека претседателот Доналд Трамп може да распореди трупи на Националната гарда во Орегон, поништувајќи ја претходната наредба , објави АП.

Како резултат на тоа, администрацијата на Трамп може да продолжи да испраќа единици на Националната гарда на Орегон во Портланд додека постапката за жалби е сè уште во тек.

Одлуката ја донесе панел од судии , при што 2 судии гласаа за укинување на забраната за приближување изречена од окружниот суд, а еден судија гласаше против.

Претходно, американскиот претседател побара мобилизирање на 200 војници од Националната гарда на Орегон за заштита на објектот на Службата за имиграција и царина (ICE) во Портланд.

Распоредувањето на трупи е уште една таква мерка од страна на шефот на државата за мобилизирање на трупи против волјата на локалните демократски лидери во Лос Анџелес и Вашингтон.

Портланд е четвртиот град – по Лос Анџелес , Вашингтон и Мемфис – каде што американскиот претседател распоредил трупи.

Властите во Портланд стравуваат од повторување на настаните од летото 2020 година, за време на првиот мандат на Трамп, кога градот беше потресен од бран насилни судири поради протестите за расна правда по убиството на невооружениот црнец Џорџ Флојд од страна на полицијата.