Американскиот претседател Доналд Трамп воведе санкции врз Русија поради војната во Украина, за прв пат во својот втор мандат, насочени кон нафтените компании Лукоил и Роснефт, објави Ројтерс.
Министерството за финансии на САД, кое ги издаде санкциите, соопшти дека е подготвено да преземе понатамошни мерки и ја повика Москва веднаш да се согласи на прекин на огнот во војната во Украина, која започна во февруари 2022 година.
„Со оглед на одбивањето на (рускиот) претседател (Владимир) Путин да ја заврши оваа бесмислена војна, Министерството за финансии воведува санкции врз две од најголемите нафтени компании во Русија кои ја финансираат воената машина на Кремљ“, изјави американскиот секретар за финансии Скот Бесант во соопштението.
Тој рече дека САД ги охрабруваат своите сојузници да им се придружат во тоа „и да ги почитуваат овие санкции“.
