Законот што предвидува забрана беше презентиран од ЕУ пред три години, во обид да се потисне емисијата на гасови што придонесуваат за затоплување на атмосферата.

Ревизијата на регулативите ќе биде на дневен ред пред крајот на оваа година. Производителите на автомобили претходно инсистираа на укинување на строгата забрана.

„Строгата забрана за технологијата на мотори со внатрешно согорување од 2035 година, без да се земе предвид вистинската одржливост, не само што ќе ја загрози суштинската индустриска компетентност и конкурентност на Германија“, изјавија покраинските премиери во заедничка изјава.

Тоа исто така ќе го загрози „социјалното прифаќање на е-мобилноста“, предупредија тие.

Германскиот канцелар Фридрих Мерц, исто така, врши притисок во Брисел за укинување на забраната, инсистирајќи дека на пазарите им е потребно повеќе време да се прилагодат на електричните возила.

Сепак, социјалдемократите, малцинскиот партнер на конзервативците на Мерц, не го поддржуваат тоа барање, па затоа германската влада сè уште не излезе со единствен став.

Покраинските премиери нагласија дека електронската мобилност е технологија за иднината.

Во исто време, тие повикаа на потемелно истражување на „алтернативни, климатски неутрални концепти на високоефикасни мотори со внатрешно согорување, хибриди со приклучок и електрични возила со подолг домет“ во интерес на вработувањето и додадената вредност во Германија.