ЗОШТО некои луѓе никогаш немаат секс? Тоа е прашањето на кое меѓународниот истражувачки тим се надеваше да одговори во најголемото истражување од ваков вид до денес. Авторите, кои ја објавиле својата студија во списанието PNAS, откриле дека девственоста во подоцнежниот живот се должи на сложена мешавина на психолошки, социјални и генетски фактори.
“Романтичните и сексуалните врски често се важна социјална поддршка. Нивното отсуство е поврзано со осаменост, анксиозност, депресивни чувства и намалена благосостојба за многумина”, рече коавторот Лаура Веселдајк од Макс Планк Институтот за емпириска естетика во Франкфурт, Германија.
Истражувачкиот тим, кој вклучува научници од Холандија и Австралија, анализирал податоци од повеќе од 400.000 луѓе во Велика Британија на возраст од 39 до 73 години. Околу 1% од испитаниците изјавиле дека никогаш не имале секс.
Што е заедничко кај луѓето без сексуално искуство?
Оваа група во просек била подобро образована, но исто така и поосамена, вознемирена и помалку среќна од оние со сексуално искуство. Истражувачите исто така откриле дека животната девственост е почеста во области со повисока нееднаквост на приходот.
Кај мажите, физичките карактеристики исто така играле улога: мажите кои никогаш немале секс имале поголема веројатност да бидат со послаба градба. Тие, исто така, имаат тенденција да живеат во региони со помалку жени.
Околу 15% од разликите во доживотната девственост може да се објаснат со генетски фактори. Коавторот Абдел Абделауи од Универзитетот во Амстердам објаснил: “Највпечатливо е преклопувањето со генетските фактори поврзани со интелигенцијата, образованието и невроразвојните нарушувања како што е аутизмот”.
Истражувањето исто така покажа дека луѓето кои никогаш немале секс имаат помала веројатност да консумираат алкохол или дрога и имаат поголема веројатност да носат очила на рана возраст. “Тука гледаме група на луѓе кои се повеќе склони кон социјално повлекување и затоа имаат потешкотии во наоѓањето на партнер”, коментира коавторот Брендан Зич од Универзитетот во Квинсленд во Австралија.
