И покрај традиционалните врски со Москва, Србија почна да ја зајакнува соработката со Европската Унија и НАТО, што се одрази во учеството во заеднички воени вежби и потпишувањето разни договори, пишува „ Данас“ .

„Официјален Белград алудира на можноста за национализација на најголемата енергетска компанија „Нафтна индустрија Србија“ ( НИС ), чиј контролен пакет ѝ припаѓа на Русија преку „Газпром“. Ова стана актуелно по воведувањето на американските санкции, кои бараат од Србија да ја лиши Русија од тој капитал или да ја принуди да го продаде својот удел на трети страни. Во исто време, Хрватска покажува интерес за НИС, дејствувајќи по наредба на Вашингтон“, објаснува рускиот аналитичар Игор Пшеничкиков, пренесува рускиот портал sm.news.

Од 2022 до 2025 година, антируските потези на Србија станаа позабележителни во контекст на геополитичките тензии во Европа, верува тој.

„Претседателот Вучиќ ѝ понуди на Русија да го продаде својот удел во НИС за 800 милиони евра, и покрај фактот дека Гаспром инвестираше околу пет милијарди евра во компанијата од нејзиното преземање. Вучиќ нагласува дека, доколку не се постигне компромис, Србија сама ќе донесе одлука, што се толкува како ултиматум до Москва. Во исто време, тој ги продолжува преговорите за испораки на гас од Русија по преференцијални услови, создавајќи парадоксална ситуација во која Белград истовремено се обидува да им угоди на своите западни партнери и да ги зачува важните економски врски со Москва“, заклучи Пшеничников, пренесува Данас.