Портпаролката на руското Министерство за надворешни работи, Марија Захарова, денес изјави дека Европа се движи кон самоуништување, кое, како што рече, е „поочигледно од кога било“.
„Доколку не беше потврдено пред некое време, кога зборуваа за тоа дека Европа е турната кон самоуништување, вклучително и преку конфликти со нејзините азиски или евроазиски соседи, можеби некој ќе речеше дека тоа не е очигледно. Денес не можеше да биде поочигледно“, изјави Захарова за Спутник.
Според неа, падот на Европа се гледа преку големите воени буџети и милитаризацијата, осиромашувањето на западноевропските економии, губењето на културните референтни точки и поддршката за сопствената историја, како и преку „монструозната миграциска криза“, објави РИА Новости.
