Затворањето на владата на САД ја чинеше американската економија досега 18 милијарди долари

28-дневното затворање на федералната влада на САД веќе ја чинеше американската економија 18 милијарди долари, објави денес Канцеларијата за буџет на Конгресот.

Во соопштението се предупредува дека оваа сума „дополнително ќе се зголеми во наредните недели“, објавува Bloomberg.

Се проценува дека во зависност од конечното времетраење на затворањето на федералната влада на САД, нема да биде можно да се компензираат помеѓу 7 и 14 милијарди долари поради „ударот врз бруто домашниот производ“.

„БДП веќе ќе биде помал за барем еден процентен поен во четвртиот квартал поради затворањето на владата“, намалување од 28 милијарди долари, се вели во соопштението на Канцеларијата за буџет на Конгресот.