Десетици илјади луѓе веќе се пред Нови Сад, каде што можеби се случува најголемиот собир во српската историја, кој е закажан за утре, на годишнината од трагичната смрт на 16 лица при уривањето на настрешница на железничката станица во Нови Сад.
Фотографија: X
Сите возови во Србија се суспендирани поради наводни закани со бомби. Во Нови Сад, специјалните сили го уапсија опозицискиот политичар Миша Бачулов.
Студентите од Нови Пазар пристигнаа во Нови Сад по 400 километри пешачење
Студентите од Нови Пазар пристигнаа во Нови Сад по повеќе од 400 километри пешачење и 16 дена планинарење.
Илјадници граѓани ги пречекаа на улиците со факели, огномет и извици, додека низ целиот град одекнуваа скандирања „Пумпај!“.
„Ова е нереално, колку луѓе нè пречекаа“, рекоа студентите на Државниот универзитет во Нови Пазар, не криејќи ги солзите радосници.
