Претседателот на Соединетите Американски Држави, Доналд Трамп, негираше дека планира напади врз Венецуела.

Во авионот „Ер Форс Уан“, американскиот шеф на државата одговори на прашање дали размислува за напади врз јужноамериканската земја.

Претходно се појавија информации дека Вашингтон може да започне напади врз воени објекти во Венецуела, за кои постои сомневање дека ги користат картелите во операции за шверц на дрога.

Минатата недела, Пентагон го објави распоредувањето на носачот на авиони „Џералд Форд“ во Латинска Америка, ескалирајќи го военото засилување за кое експертите велат дека далеку ги надминува сите барања за операции против наркотици, што е наведената цел на мисијата на САД досега.

Ударната група на носачите на авиони додаде околу 10.000 војници и огромна огнева моќ на военото засилување , кое веќе вклучува ракетни уништувачи, борбени авиони Ф-35, нуклеарна подморница и околу 6.500 војници.

Пентагон не објасни зошто таква огнева моќ е потребна за операции против наркотици.