Изборниот ден поминал без поголеми нарушувања на изборниот процес, соопшти вечерва Јавното обвинителство на Северна Македонија.
Доставено е само едно известување на подрачјето на Шуто Оризари за фотографирање на гласачко ливче. Од Обвинителството информираат дека итно се дадени насоки за документирање на настанот кој претставува прекршок.
– И покрај мирниот изборен ден, Комисијата на Јавното обвинителство останува активна до целосно завршување на изборниот процес, а сите што евентуално имаат сомненија за кривично дело поврзано со изборниот процес тоа можат да го направат во сите јавни обвинителства во државава или на посебната електронска адреса izbori@jorm.mk, велат од ЈОРМ.
