Независниот синдикат на „Паркови и зеленило“ соопшти дека протестите ќе продолжат и денеса и следните денови затоа што не им е исплатена септемвриската плата иако така им било ветено на денешниот состанок со директорот на претпријатието.
– Платата за месец септември сè уште не е исплатена на вработените во Ј.П. „Паркови и зеленило – Скопје“. Ова претставува продолжување на серијата доцнења и игнорирање на основните работнички права, вклучително и неисплатени плати за претходни месеци, јубилејни награди, бонус плати, К-15 и здравствено осигурување. Протестите продолжуваат и во наредните денови, сè додека не биде исполнета барем една од поставените цели. Работниците нема да отстапат од своите барања, а синдикатот останува доследен во борбата за достоинствена исплата и правична третман, велат од Синдикатот.
Синдикатот имаше состанок со директорот на претпријатието, на кој, како што изјави претседателот на Синдикатот Горан Ристески, им било посочено дека се очекува т да бидат префрлени пари на сметка на претпријатието и дека ќе биде исплатена септемвриската плата. Сепак денеска блокадите на крстосниците започнуваат во 9.30 во Скопје
