Американските федерални агенти за имиграција извршија рација во градинка со шпански јазик во северно Чикаго во понеделник и однесоа наставничка, предизвикувајќи паника кај персоналот и родителите на деца од предучилишна возраст, изјави вработен во градинка.
Снимките добиени од локалната WGN-TV покажуваат двајца мажи, едниот со маска преку лицето, како влечат жена што вреска од градинката Раџито де Сол, објави Ројтерс.
Мажите носеле елеци на кои пишувало „полиција“, но не биле видливи никакви обележја на безбедносната агенција.
Жената, идентификувана како Дијана Сантиљана, наставничка во градинка со шпански јазик во Чикаго, е по потекло од Меделин, Колумбија, и според очевидци, разговарала со агентите на шпански јазик, кажувајќи им дека има лична карта.
„Сепак, агентите ја зграпчиле наставничката пред децата“, рече Мајк Квигли, демократски конгресмен од Илиноис, по инцидентот.
Шокираните родители, на кои им било кажано дека наставничката има дозвола за работа, се собрале на паркингот на Раито де Сол по рацијата.
„Децата плачеа, родителите плачеа. Ова е сцена што никогаш нема да ја заборавиме“, рече Тара Гударзи, адвокатка која го оставала своето 3-годишно дете во градинката кога федералните агенти за имиграција влегле во зградата.
Рацијата се толкува како пример за агресивната антиимиграциска политика на американскиот претседател Доналд Трамп во Чикаго, која започна во септември со цел да се гонат опасни криминалци без законски престој во САД и досега резултираше со повеќе од 3.000 апсења.
