Американската војска изврши нов напад врз брод во Карибите во кој беа убиени три лица, потврди министерот за одбрана Пит Хегсет. Ова е најновиот во серијата смртоносни напади како дел од кампањата на администрацијата на Трамп против трговијата со дрога, пишува CNN .

Слика од екранот: X„Денес, по наредба на претседателот Трамп, Министерството за одбрана спроведе смртоносен напад врз брод управуван од организација која американските власти ја сметаат за терористичка организација“, рече Хегсет во објава на социјалната мрежа X. „Бродот шверцувал наркотици во Карибите и бил погоден во меѓународни води“. Хегсет додаде дека американските сили не претрпеле загуби во нападот. 

Војна против картелите

Инцидентот е дел од поширока кампања за која Вашингтон вели дека има за цел да го спречи протокот на дрога во САД. Во досегашните 17 напади, американската војска убила вкупно 70 лица и уништила 18 бродови. Евидентирани се само тројца преживеани – двајца биле накратко приведени од американската морнарица пред да се вратат во своите матични земји, додека третиот се претпоставувал дека е мртов по потрагата на мексиканската морнарица.

Сомнителна правна основа

Администрацијата на Трамп го информираше Конгресот дека САД се во „вооружен конфликт“ против нарко-картелите од 2 септември и ги означи убиените лица како „непријателски борци“. Со тоа, администрацијата тврди дека има овластување да извршува смртоносни напади без судски надзор, повикувајќи се на таен налог од Министерството за правда.

Американскиот Сенат ја блокираше резолуцијата што ќе го спречи Трамп да ја нападне Венецуела

Сепак, некои членови на Конгресот и организациите за човекови права го оспоруваат таквиот правен основ. Тие тврдат дека осомничените трговци со дрога треба да бидат гонети, како што беше практиката пред Доналд Трамп да ја преземе функцијата. Дополнителна контроверзност создава фактот што администрацијата досега јавно не достави докази за присуство на наркотици на засегнатите бродови или за нивната поврзаност со картелите.