Новиот градоначалник на Скопје Орце Ѓорѓиевски синоќа го повика Обвинителството да испита можни финансиски злоупотреби во јавното претпријатие „Комунална хигиена“. Од Обвинителството велат дека до нив досега не е пристигната пријава или известување.
– Надлежни институции за откривање на кривични дела се МВР, Управата за финансиска полиција, инспекторатите… До обвинителството до овој момент не е доставена ниту пријава, ниту известување, велат од Обвинителството.
Ѓорѓиевски вчера информираше дека има докази оти се правени финаниски малверзации во Комунална хигиена.
– До мене стигна информација поткрепена со документи и ги повикувам надлежните институции да постапат, а тоа е дека биле ангажирани возила за чистење во Комунална хигиена и истите возила се плаќани на име на физички лица кои земале интелектуални слуги од пет до десет илјади евра, рече вчера Ѓорѓиевски.
