Осум рудници за јаглен во регионот Дњепропетровск во Украина останаа без струја по рускиот напад, соопшти Министерството за енергетика на земјата. 2.595 рудари биле под земја во времето на нападот , објави Би-Би-Си.
Според прелиминарните податоци, нема смртни случаи или повредени. Спасувачките екипи и персоналот на рудникот веднаш започнаа операција за извлекување на луѓето на површината. Евакуацијата е во тек , соопшти украинското министерство.
Нападот е дел од серијата руски напади врз енергетската инфраструктура на Украина во последните недели, што доведоа до прекини во електричната енергија и сериозни штети во неколку индустриски региони на земјата
