Соединетите Американски Држави целосно ја поддржуваат употребата на замрзнатите руски средства од страна на Европската Унија (ЕУ) како алатка за поддршка на Украина и завршување на војната со Русија, објави Ројтерс, повикувајќи се на американски извори.

Додека Западот се обидува да го зголеми притисокот врз Москва, Европската комисија (ЕК) предложи план што им овозможува на владите на ЕУ да користат до 185 милијарди евра – најголемиот дел од 210-те милијарди евра руски суверени средства што моментално се замрзнати во Европа – без да ги конфискуваат.

Вашингтон „апсолутно ја поддржува (ЕУ) и чекорите што ги преземаат сега за да можат да ги користат овие средства како алатка“, рече изворот, кој зборуваше под услов да остане анонимен за да разговара за актуелно прашање.

Откако рускиот претседател Владимир Путин испрати војници во Украина во 2022 година, САД и нивните сојузници ги забранија трансакциите со руската Централна банка и Министерството за финансии , блокирајќи околу 300 милијарди долари суверени руски средства.

Европскиот предлог се одложува поради загриженоста од Белгија, каде што се наоѓаат повеќето од средствата.

Во обновен обид да се стави крај на војната со Русија, американскиот претседател Доналд Трамп воведе санкции врз „Роснефт“ и „Лукоил“ – двете најголеми американски нафтени компании – кон крајот на минатиот месец, додавајќи на невидениот пакет економски санкции насочени кон вршење притисок врз Москва и оние кои соработуваат со неа.

Овој потег ја нагласува намерата на Вашингтон да ги исцеди финансиите на Русија и да го принуди Кремљ на мировен договор  повеќе од 3 години по почетокот на војната во Украина.

Вашингтон ги следи последиците од акциите и „има повеќе работи што би можеле да ги направиме за да се обидеме да го зголемиме притисокот“, рече изворот.

Тој ја даде својата изјава откако швајцарскиот трговец со стоки „Гунвор“ објави дека ја повлекол својата понуда за купување на странските средства на „Лукоил“.