„Таквиот чин би бил знак на хуманост и политичка предвидливост. Во исто време, тоа би ги одразувало моите долгогодишни лични односи со претседателот Тебун и добрите односи меѓу нашите земји“, објави Штајнмаер во понеделник во Берлин.

Сансал е добитник на Германската книжевна награда за мир во 2011 година.

Тој беше уапсен кон средината на ноември 2024 година по слетувањето во Алжир, а во март беше осуден на пет години затвор за „дела против националното единство и безбедност“.

Во едно интервју, тој рече дека за време на француското колонијално владеење, мароканските државни граници биле поместени во корист на Алжир.

Штајнмаер потсети дека писателот е во затвор веќе една година.

Поради возраста на Сансал и неговата влошена здравствена состојба, германскиот претседател предложи негово заминување во Германија и понуди лекување по пристигнувањето.

Сансал има алжирско и француско државјанство.