Производителот на автомобили Форд повлекува 229.609 возила Бронко од пазарот во Соединетите Американски Држави поради дефект на дисплејот на контролната табла, објави денес Националната администрација за безбедност на сообраќајот на автопатиштата (NHTSA) на САД.
Дефектот може негативно да влијае на работата на одредени светла, како што се оние за предупредувачки светла или брзина на возилото, објави Ројтерс.
NHTSA наведува дека софтверот на контролната табла на повлечените возила ќе биде ажуриран бесплатно од страна на дилерот директно или преку Интернет.
Дополнително, американската автомобилска компанија повлекува и 20.558 од своите хибридни возила поради производствен дефект во високонапонските батерии, што може да доведе до откажување на батеријата.
Форд минатиот месец повлече 79.781 возила во САД поради ризикот внатрешните панели во близина на предните врати да се одвојат и да предизвикаат задните светла да престанат да работат.
