Најмалку четири лица, вклучувајќи и еден пожарникар, загинаа денес во катастрофален пожар што зафати станбен комплекс во Хонг Конг.
Властите потврдија дека уште две лица се во критична состојба, додека едно е во стабилна состојба. Се стравува дека уште луѓе се уште се заробени во запалените облакодери, јавува Би-Би-Си.
Драматичните снимки од хонгконшкиот кварт Таи По покажуваат густи облаци од чад и пламен како излегуваат од неколку кули на станбената населба Ванг Фук Корт.
Пожарот што избувна денес во Хонг Конг предизвика значителни прекини во градскиот сообраќај.
Неколку патишта беа затворени поради интервенцијата, а повеќе од 30 автобуски линии беа пренасочени кон алтернативни правци, соопшти Одделот за транспорт на Хонг Конг.
Надлежниот оддел соопшти дека состојбата со сообраќајот се следи внимателно во реално време, со оглед на тоа што пожарот сè уште не е изгаснат.
Властите во Хонг Конг го зголемија нивото на тревога за пожар во округот Таи По од ниво четири на ниво пет, највисоко, во 18:22 часот по локално време, со што заврши 17-годишен период откако градот последен пат беше погоден од пожар од ваков размер, известува „Џек Лау“ од Хонг Конг.
Последниот пожар од петто ниво е регистриран во 2008 година, кога пожарот ја зафати зградата на Корнволскиот суд во трговскиот кварт Монг Кок.
Четири лица ги загубија животите во тој инцидент, како што објави тогаш „Саут Чајна Морнинг Пост“.
Тоа беше комерцијална зграда изградена во 1962 година.
