Во угостителски објект во Свети Николе по полноќ имало 26 малолетници, 14 биле во алкохолизирана состојба

Дваесет и шест малолетници се затекнати по полноќ во угостителски објект во Свети Николе, а 14 од нив биле под дејство на алкохол.
Малолетниците се откриени при акциска контрола спроведена синоќа 10 минути по полноќ.
По целосно расчистување на случајот, ќе следат соодветни пријави против одговорните лица.
Од страна на инспекциските служби утврдени се и низа други прекршоци за кои ќе бидат поднесени соодветни поднесоци.