СДСМ денеска го повика Јавното обвинителство да постапи во однос на случајот со тендерите од речиси 9 милиони евра доделени на фирма со двајца вработени.
Портпаролката на СДСМ Богданка Кузеска во изјава пред Јавното обвинителство рече дека сите докази се јавно достапни, објавени, проверливи.
– Јавното обвинителство не смее да молчи туку да делува. Крадењето на народот преку корупциски шеми за пумпање на парите мора да запре и да следува одговорност. Станува збор за 9 милиони евра пари на граѓаните кои треба да завршат кај граѓаните а не по џебовите на врхушхата на власт и во Белата палата. Власта на големо спроведува грабеж преку шема за испумпување на народните пари. Ова се истите шеми на Никола Груевски и Сашо Мијалков, со кои се испумпаа 2 милијарди евра пари на граѓаните, рече Кузеска.
Од СДСМ велат дека имаат поднесено и пријава до Државната комисија за спречување на корупцијата.
