Европските берзански индекси денес се мешани, цените на нафтата и златото се во пораст, додека пазарите ја чекаат клучната одлука на Федералните резерви на САД за каматните стапки што ќе биде објавена на 10 декември.
Аналитичарите проценуваат дека веројатноста за намалување на стапката во Соединетите Американски Држави е околу 87 проценти, објави CNBC.
Швајцарската национална банка ќе го објави своето најново ажурирање на монетарната политика во четврток, а следната недела, на 18 декември, ќе ги добиеме одлуките за каматните стапки од Банката на Англија и Европската централна банка.
Индексот DAX на Франкфуртската берза порасна за 0,03 проценти на 24.048,14 поени денес во 9:30 часот наутро, британскиот FTSE 100 за 0,09 проценти на 9.675,19 поени, московскиот MOEX за 0,65 проценти на 2.728,63 поени, додека францускиот CAC 40 падна за 0,22 проценти на 8.098,54 поени.
Вредноста на американскиот берзански индекс Dow Jones порасна за 0,22 проценти на 47.954,99 поени пред отворањето на берзите денес, вредноста на индексот S&P 500 порасна за 0,19 проценти на 6.870,40 поени, а вредноста на индексот Nasdaq за 0,31 процент на 23.578,13 поени.
Европските фјучерси за гас за јануари беа продадени на отворањето на берзата TTF денес по цена од 27,1 евра за мегават-час.
Според моменталните податоци на берзата, цената на суровата нафта се искачи на 60.301 долари, а цената на нафтата од типот Брент на 63.948 долари.
Цената на златото се искачи на 4.213,23 долари за унца, а цената на пченицата падна на 5,3655 долари за бушел (еден бушел е 27,216 кг).
Вредноста на еврото во однос на доларот на берзата Форекс е 1,16532 долари, што е за 0,08 проценти повеќе отколку на почетокот на тргувањето.
