Кевин Костнер имал многу улоги низ годините, но самиот признава дека најважната е “татко”. Ѕвездата од Јелоустоун има вкупно седум деца од три различни врски.
Неговите први три деца – Ени, Лили и Џо, беа од неговата прва сопруга Синди Силва. Подоцна доби син, Лијам, од кратка врска со Бриџит Руни. Во 2004 година, Костнер се ожени со дизајнерката Кристин Баумгартнер, со која има три наследници – Кајден, Хејс и Грејс.
Иако ретко се појавуваат заедно, неговите деца често го поддржуваат. Во јуни 2024 година, петмина од нив – Хејс, Грејс, Кајден, Џо и Ени, беа покрај него на премиерата на “Horizon: American Saga – Part 1” во Лос Анџелес. Во едно интервју, Костнер нагласи дека децата се “сидро” во неговиот живот, без разлика на неговиот зафатен распоред.
Повеќето од семејството исто така се собраа за Денот на благодарноста таа година, а актерот сподели фотографии и напиша дека е благодарен за моментите со сите нив. Еве сè што треба да знаете за неговите деца.
Ени Костнер (1984)
- 41 година
Најстарото дете на Костнер започна како актерка, но постепено се насочи кон продуцентска работа. Таа е коосновач на компанијата Sound Off Films и стои зад документарни проекти. Таа е во брак со докторот Дени Кокс, пишува People.
Лили Костнер (1986)
- 39 години
Лили исто така имаше рани актерски улоги, но е попозната по својот музички талент. Изведуваше песни од својот татко и неговиот бенд Kevin Costner & Modern West. Костнер често вели дека е “исклучително талентирана”, но претпочита поопуштен начин на живот.
Џо Костнер (1988)
- 37 години
Џо се појави во неколку филмови како дете, но денес работи зад сцената како аудио инженер и тонски инженер. Неговиот татко го опиша како “шталски човек со добри пријатели.”
Лијам Костнер (1996)
- 29 години
Синот на Костнер од врската со Бриџет Руни избегнува јавно внимание и ретко се појавува во медиумите.
Кејден Вајат Костнер (2007)
- 18 години
Првото дете на Костнер и Баумгартнер. Актерот признава дека имал грижи околу тоа да стане татко по 50 години, но Кејден брзо станал радост за семејството. Од мали нозе, покажуваше интерес за музика.Хејс Логан Костнер (2009)
- 16 години
Хејс беше активен во спортот, а подоцна доби мала улога во “Horizon: An American Saga – Part 1”. Костнер признава дека понекогаш е построг кон него на сетот, но е многу горд на неговата изведба.
Грејс Ејври Костнер (2010)
- 15 години
Ова е најмладото дете на актерот. Грејс обожава танцување, креативност и шиење. Сепак, често им се придружува на браќата за игри на отворено.
