Илон Маск откри како тој и неговата партнерка Шивон Зилис ги избрале имињата за нивните четиригодишни близнаци, Страјдер Секар Сириус и Азур Астра Алис, кои се родени во ноември 2021 година. Маск ги разјасни значењата на имињата на X откако беше објавена негова фотографија со неговите деца направена на настан во 2025 година.
„Јас со мојот син, Страјдер Секар (именуван по Арагорн и големиот индиски физичар Субраманијан Чандрасекар) и ќерка ми, Кометата Азур, именувана по најмоќната магија во Елден Ринг“, објасни Маск.
За оние кои не знаат, Страјдер е прекар за Арагорн, лик од „Господарот на прстените“, додека Елден Ринг е видео игра што Маск ја опиша во 2022 година како „најубавата уметност што некогаш сум ја видел“.
14 деца
Маск, кој е татко на 14 деца , е познат по тоа што им дава уникатни имиња. Тој има петгодишен син со пејачката Грајмс, X Æ A-Xii, чие име мораше да се промени од X Æ A-12 за да се усогласи со законот на Калифорнија.
Двојката има и четиригодишна ќерка, Екса Дарк Сидерел, и тригодишен син, Техно „Тау“ Механикус. Грајмс ги објасни сложените значења на имињата, поврзувајќи ги со непознати варијабли, елфско писмо, суперкомпјутери и „прекрасната мистерија на нашиот универзум“.
