Американскиот претседател Доналд Трамп откри дека озлогласениот музички могул Шон „Диди“ Комбс побарал претседателско помилување. Диди, 56, неодамна беше осуден на 50 месеци затвор откако беше прогласен за виновен по две точки од обвинението за транспорт со цел вршење проституција.
Трамп го отфрли барањето.
Во ексклузивен извештај објавен од „Њујорк тајмс“ вчера, 8 јануари, 79-годишниот Трамп потврди дека Диди „го побарал помилување“. Кога директно бил прашан дали ја разгледува таа можност, Трамп одговорил дека „нема намера да му помогне“ на осрамотениот музичар.
Претседателот, исто така, изјави дека Комбс му се обратил „преку писмо“. Кога новинарите побарале повеќе детали за барањето на Диди, Трамп одговорил со контрапрашање: „О, дали би сакале да го видите тоа писмо?“, но на крајот не го доставил писмото.
И во октомври тој побара прошка
Трамп им откри на новинарите во Белата куќа во октомври дека Диди побарал помилување, потврдувајќи дека добил конкретно барање во врска со Комбс. „Го викам Паф Деди; тој ме замоли за помилување“, рече претседателот.
