Американскиот претседател Доналд Трамп ги повика иранските демонстранти да продолжат со протестите, велејќи дека „помошта е на пат“. Тој го предупреди Иран да не ги погубува демонстрантите и најави дека САД ќе преземат „силни мерки“ како одговор. Американскиот Стејт департмент изрази загриженост дека еден од демонстрантите би можел да биде погубен.
Иран издаде предупредување со кое го затвора воздушниот простор на земјата за сите летови, освен за меѓународни летови до и од Иран кои имаат посебно одобрение, според службата за следење летови „ФлајтРадар“.
NOTAM (Известување за воздушни мисии) е временски ограничено безбедносно предупредување до пилотите во врска со опасностите и условите во воздушниот простор. Според објавените информации, ова известување ќе биде на сила малку повеќе од два часа.
Неколку авиокомпании веќе одлучија да го избегнуваат иранскиот воздушен простор.
Претходно денес, германските власти издадоа и свој NOTAM, предупредувајќи ги авиокомпаниите од Германија да не влегуваат во иранскиот воздушен простор.
Германија препорачува избегнување на иранскиот воздушен простор
Германските власти им советуваа на авиокомпаниите да го избегнуваат иранскиот воздушен простор поради тековните немири во земјата и можноста за употреба на „противвоздушно оружје“, објави Си-Ен-Ен.
Препораката се однесува на периодот од 14 јануари до 10 февруари и вклучува совет авионите да не влегуваат во Техеранскиот информативен регион за летови. Како причина се наведува „ескалација на конфликтот“.
Германските власти сè уште не објавија дополнителни детали за можните закани, но предупредувањето доаѓа во време на зголемена безбедносна несигурност во регионот.
Американски воени авиони ја напуштија воздухопловната база во Катар, според податоците на FlightRadar.
Според информациите објавени на социјалните мрежи, шест авиони на американските воздухопловни сили полетале од воздухопловната база Ал Удеид (најголемата американска база на Блискиот Исток) кратко по 19 часот по локално време.
Topping our most tracked flights list right now: six US Air Force KC-135s departing Al-Udeid Air Base in Qatar. https://t.co/ihPOMLNRtN
⚠️ All tracked via MLAT, so coverage will be variable. pic.twitter.com/4dr3uSS3rO
— Flightradar24 (@flightradar24) January 14, 2026
Станува збор за авиони KC-135 Stratotanker, кои се користат за полнење гориво на други воени авиони во лет, што би можело да укаже на повлекување на дел од достапните ресурси од базата.
Пентагон подготви голем број опции за можна воена акција на САД против Иран, и покрај тоа што американскиот претседател Доналд Трамп ја ублажи својата реторика во последните часови, велејќи дека му било кажано дека „убиствата престануваат“ во Иран.
Трамп претходно вечерва се закани со „многу силни мерки“ доколку Техеран продолжи да ги егзекутира демонстрантите. Изјавите доаѓаат во време кога Вашингтон размислува за воена акција против Иран, што дополнително ги зголемува тензиите и меѓународната загриженост. Сега прашањето е дали прекинот на егзекуциите бил услов Трамп да не интервенира во Иран.
Во меѓувреме, „Скај њуз“ дознава дека Ерфан Солтани, за кој се верува дека е првиот демонстрант погубен во сегашниот бран демонстрации во Иран, не е погубен денес.
Оваа информација се појави само еден час пред изјавата на Трамп и дополнително ги поттикна шпекулациите дека иранските власти барем привремено се откажале од планираните егзекуции.
Сепак, член на семејството предупреди дека Солтани сè уште може да биде погубен во секое време.
Солтани, 26, наводно бил уапсен минатиот четврток. Норвешката организација „Хенгау“ за човекови права претходно објави дека тој е задржан во затворот Кезел Хесар и предупреди дека „веројатноста за негово погубување во рок од неколку часа е многу голема“.
Американскиот Стејт департмент соопшти дека смртта на Солтани ќе биде прва егзекуција на демонстрант во сегашниот бран демонстрации, но „не последна“ доколку иранските власти продолжат со таквата практика.
Кратко потоа, американскиот претседател Доналд Трамп се закани дека ќе преземе „многу силни мерки“ доколку властите во Техеран почнат да ги егзекутираат демонстрантите.
Заканите со егзекуција доаѓаат во време на зголемување на тензиите меѓу Иран и САД, а Вашингтон размислува за воена интервенција. Судбината на Ерфан Солтани стана симбол на поширока меѓународна загриженост за третманот на иранските власти кон демонстрантите и потенцијалните последици од понатамошна ескалација.
