Канцеларијата за контрола на странски средства (OFAC) при Министерството за финансии на САД ја продолжи лиценцата за работа на Српската нафтена индустрија (NIS) до 20 февруари.

Во писмо до српското Министерство за финансии, OFAC ги наведе условите под кои лиценцата за работа е важечка.

Условите се трансакциите да не вклучуваат американски субјекти или американскиот финансиски систем , трансакциите да не вклучуваат, да не се во име или во корист, директно или индиректно, на кој било друг блокиран субјект освен NIS.

Претходната лиценца за продолжување на работата, која НИС ја доби пред три недели, требаше да истече на полноќ.

Во понеделник, NIS поднесе ново барање за продолжување, бидејќи прелиминарниот договор за купопродажба на „Газпромнефт“ и „МОЛ“ беше доставен до OFAC, што беше и услов на американската администрација за нова работна дозвола.

Сопственичката структура би можела да биде позната уште кон средината на март, а државата Србија би стекнала повеќе од една третина од акциите во клучната енергетска компанија.

Во меѓувреме, во Рафинеријата започна производството на нафтени деривати , кое беше прекинато поради прекин на испораката на сурова нафта во НИС.

OFAC претходно издаде лиценца на Српската нафтена индустрија, со што рокот за преговори за продажба на рускиот удел беше продолжен до 24 март.

Санкциите што САД ги воведоа врз НИС поради мнозинскиот руски капитал во компанијата стапија на сила на 9 октомври минатата година.

Извор: РТС