Чекорите на SpaceX за спречување на „неовластената“ употреба на Starlink од страна на Русија функционираа, рече Илон Маск, цитиран од Ројтерс.

„Се чини дека чекорите што ги презедовме за да го спречиме неовластеното користење на Starlink од страна на Русија функционираа. Јавете ни се ако треба да се направи повеќе“, напиша извршниот директор на SpaceX на социјалната мрежа X.

Украинскиот министер за одбрана Михајло Федоров претходно оваа недела објави дека Украина соработува со SpaceX за да ја спречи Русија да таргетира беспилотни летала користејќи го интернет системот Starlink. Киев тврди дека открил беспилотни летала со долг дострел користејќи го Starlink.

„Западните технологии треба да продолжат да му помагаат на демократскиот свет и да го штитат цивилното население, наместо да се користат за тероризам и уништување на мирни градови “, истакнува Федоров.