Олимпискиот комитет на Северна Македонија денеска од 12 до 16 часот кај тениските терени во рамки на Спортскиот центар во Скопје, ќе организира „Олимписки пикник“, посветен на промоција на олимпизмот, здравите животни навики и меѓународното пријателство.
Како што информираат од Олимпискиот комитет, пикникот е замислен како неформално дружење на отворено, со пријатна атмосфера, музика, освежување и различни рекреативни активности. Предвидено е учество на врвни македонски олимпијци, спортски работници, како и претставници на дипломатскиот кор.
