Разговорите меѓу пратениците на ЕУ и владите на земјите-членки за спроведување на трговски договор со САД завршија без напредок во среда вечерта, соопштија претставници на Брисел.
Европскиот комесар за трговија, Марош Шефчовиќ, ги повика преговарачите да постигнат договор што ќе помогне во стабилизирањето на трговските односи со Вашингтон, според лице запознаено со состанокот, но по околу шест часа разговори, тие не успеаја да постигнат договор, објавува порталот Политико од Брисел.
Преговарачите планираат повторно да се сретнат на 19 мај, иако тој датум сè уште не е потврден, изјави друг функционер на Советот.
Европските пратеници и влади постигнуваат добар напредок во разговорите за финализирање на договор за елиминирање на царините за увоз од САД, но „сè уште има работа што треба да се направи“, изјави денес главниот преговарач на Европскиот парламент, Бернд Ланге.
Според договорот со САД постигнат во Шкотска минатиот јули, ЕУ се согласи да ги елиминира царините за американските индустриски стоки, додека Вашингтон ќе ги ограничи царините за повеќето стоки на 15%.
Трамп во петокот изјави дека ќе ги зголеми царините за автомобили и камиони од ЕУ на 25% оваа недела, од сегашните 15%, бидејќи ЕУ не ги почитувала условите од договорот постигнат на состанокот во неговиот голф клуб „Тарнбери“.
