Скопје, Велес, Пробиштип, Свети Николе и Валандово се неколкуте градови кои во попладневните часови ги зафати невреме со пороен дожд и засилен ветер.
Управата за хидрометеоролошки работи најавува слично време и за утре кога на повеќе места се очекува пороен дожд, грмежи и засилен северен ветер (над 50 km/h). Локално процесите ќе бидат поинтензивни во форма на невреме со пообилен пороен дожд, грмежи, силен ветер (над 60 km/h) и услови за изолирана појава на град.
Во делови од Скопската котлина ќе има услови за краткотрајно невреме со интензивен пороен дожд, грмежи, засилен ветер и изолирана појава на град.
