По најавите на американскиот претседател Доналд Трамп дека договорот со Техеран е во најголем дел договорен и дека деталите наскоро ќе бидат објавени, цената на нафтата бележи пад на светските берзи.
Од утрово глобалната цена на нафтата од типот Брент падна за 5,5 проценти и се движи околу 95 долари, додека цената на американската нафта падна за 5,8 проценти и се движи околу 90,99 долари.
Според изјавите на Трамп, договорот вклучува и повторно отворање на Ормускиот теснец кој ефективно е затворен од почетокот на судирот од 28 февруари.
