Тендерот за набавка на нови автобуси во Скопје ќе биде повторно распишан во рок од една недела – велат од Град Скопје за Телевизија 24. Проценките на градските власти се дека скопјани ќе ги добијат првите нови автобуси за неколку месеци.
Претходно тендерот за набавка на 150 нови еколошки автобуси пропадна поради тоа што фирмите кои се јавиле не ги исполнувале условите – ова го тврди Министерството за транспорт.
Опозициската СДСМ пак обвини дека целта била да се намести фирма блиска до Орбан, додека пак Левица ја критикуваше власта дека пет години ги манипулира скопјани со ветувања за „еко автобуси“, а со пропаѓањето на последниот тендер ниту годинава Скопје нема да добие нови автобуси.
