Францускиот министер за внатрешни работи Лоран Нунес изјави дека 780 лица се приведени во Париз и во 15 други градови во земјата, а 57 полицајци се повредени во немирите што избувнаа на улиците на Париз откако Пари Сен Жермен ја освои Лигата на шампионите втора година по ред, пренесува АП.

Повеќето од жртвите претрпеле полесни повреди.Вандализам е пријавен и во текот на ноќта.

Нунес на прес-конференција во неделата изјави дека „ситуацијата е во голема мера под контрола“.

„Поголемиот дел од прославите беа мирни“ низ целиот главен град, рече тој, истакнувајќи дека повеќето инциденти се случиле во близина на стадионот „Парк де Принс“ во западен Париз, каде што навивачите се собрале да го гледаат натпреварот.

Тимот подоцна беше пречекан од францускиот претседател Емануел Макрон во претседателската палата.

Слични немири избувнаа минатата година во Париз откако ПСЖ го освои најпрестижното фудбалско натпреварување во Европа.