Секој петти Русин крие разговори со вештачка интелигенција (ВИ) од својот партнер, а жените го прават тоа почесто од мажите, се наведува во резултатите од анкетата спроведена од агенцијата MWS AI.
„Речиси секој петти анкетиран руски граѓанин (19 проценти) признал дека ги крие своите разговори со вештачка интелигенција од својот партнер. Младите луѓе на возраст од 18 до 30 години го прават тоа почесто (22 проценти) од испитаниците над 50 години (14 проценти)“, објави денес РИА Новости.
Жените малку ги надминуваат мажите во криењето на комуникацијата со ВИ – 20 проценти од нив го прават тоа во споредба со 17 проценти од мажите, според студијата во која биле анкетирани 1.100 Руси над 18 години.
Според пресметките на аналитичарите, пет проценти од испитаниците признале дека чувствуваат љубомора кон својот партнер поради интеракциите со вештачката интелигенција, додека 19 проценти се уверени дека нема да бидат „љубоморни на програмата“, а 59 проценти одговориле дека нивните емоции ќе зависат од конкретната ситуација. „Резултатите од анкетата покажуваат дека вештачката интелигенција постепено станува работна алатка, исто како што некогаш биле пребарувачите или канцелариските програми. Затоа, вештините за вештачка интелигенција сè повеќе се перцепираат како знак на професионален развој, подготвеност за совладување на новите технологии и прилагодување на промените.
