Граѓански организации обвинија дека цементарницата Усје бара продолжување на работата според гранични вредности за загадување утврдени во 2007 година, наместо усогласување со европските стандарди и најдобрите достапни техники за намалување на емисиите.
Според нив, во поднесеното барање нема конкретни мерки за намалување на загадувањето, а предлозите доставени од граѓанското општество не биле земени предвид.
Тие бараат од Министерство за животна средина и просторно планирање да не усвои, како што наведуваат, „неусогласена и незаконска дозвола“, туку да обезбеди примена на европските стандарди за заштита на воздухот и јавното здравје.
Воедно, организациите најавија марш за 23 јуни со почеток во 18 часот, кој ќе се одржи на релација од Собранието до Министерството за животна средина и просторно планирање.
Од Титан Усје до јавноста го доставија неделниот извештај за период 05.06 до 11.06 за измерени средно-дневни вредности на емисиите од главните емисиони точки според кој извештај, емисиите од работата се под граничните вредности определени со закон.
