Некои автомобилски компании, вклучувајќи ги „Форд“ и „Џенерал моторс“, може да почнат да произведуваат оружје, вклучувајќи ракети „Патриот“ и „Томахавк “, „и многу други“, изјави американскиот претседател Доналд Трамп за време на состанокот со новинарите во Белата куќа.

Тој прецизираше дека станува збор за компании со вишок производствен капацитет кои склучуваат договори за купување и производство на ракети, наведе АП.

Според Трамп, „Џенерал моторс“ веќе е „многу заинтересиран“ за производство на оружје и има неколку фабрики кои би можеле да се преориентираат кон производство на воени производи.

Шефот на Белата куќа, исто така, рече дека САД го зголемуваат производството на оружје и сакаат да обезбедат доволно снабдување со ракети „Патриот“ .

„Се наоѓаме во период на силен економски раст во областа на производството на оружје, а некои автомобилски компании, доколку имаат вишок производствен капацитет, склучуваат договори за купување и производство на ракети, особено „Патриот“.

„Имаме доволно од нив, но сакаме да бидеме сигурни дека секогаш имаме многу кандидати“, рече тој.

Во април, „Волстрит џурнал“, повикувајќи се на извори, објави дека Пентагон е во прелиминарни разговори со автомобилски компании за производство на оружје . Авторите на статијата, меѓу другите, ги споменаа „Џенерал моторс“ и „Форд мотор“.

Воениот оддел има намера да ги привлече, заедно со други автомобилски концерни, за да го спроведе планот на Трамп за премин кон она што шефот на Пентагон, Пит Хегсет, претходно го нарече „воен режим“, иако преговорите, според податоците на WSJ, започнале дури и пред војната во Иран.

Што се однесува до влезот на автомобилските компании на пазарот за одбрана, слични планови претходно најавија шефовите на „Мерцедес-Бенц“ и „Фолксваген“.