Директорот на украинската компанија „Фаер Поинт“ Денис Штилерман објави дека синоќа крстосувачките ракети „Фламинго“ произведени од неговата компанија го нападнале Волгоград.
Најмалку пет ракети беа испукани врз рускиот град.
Локалните жители зборуваат за експлозии во градот што се слушнале околу четири часот наутро.
Локалните власти накратко известија за нападите, велејќи дека десет лица се повредени. Претходно, Росавијација предупреди за затворање на аеродромот во Волгоград .
Штилерман, исто така, објави објава од украинскиот мониторинг канал „Егзиленова+“, во која се тврди дека е извршен напад врз воената фабрика „Титан-Барикада“ во Волгоград.
Украинските власти го опишуваат како „воено-индустриско претпријатие специјализирано за артилериска и ракетна опрема“.
На 22 јуни, Украина нападна руски воено-индустриски комплекс во Воронеж . Истиот ден, беше погоден и клучен центар за сателитски комуникации во Московскиот регион .
