Претседателот на Соединетите Американски Држави, Доналд Трамп, за време на својот говор по повод 250-годишнината од Декларацијата за независност на САД, изјави дека никој не може да биде како Америка, истакнувајќи ги основачките вредности на земјата и нејзините достигнувања низ нејзината историја. „ Низ целиот свет се обидуваат да бидат како нас; никој не може да биде како нас “, рече Трамп, цитиран од АП.

Американскиот претседател вети дека земјата ќе оди на Марс „наскоро“, пофалувајќи го успехот на лунарната мисија „Артемис II“.

Американскиот лидер процени дека околу 150.000 луѓе го слушале неговиот говор, и покрај лошите временски услови што предизвикале одложувања и го нарушиле настанот .

Прославата официјално започна на Националниот мол во Вашингтон доцна во саботата навечер, откако бурата ги принуди властите да го одложат настанот.

Овогодинешните прослави на Четврти јули ја одбележуваат и 250-годишнината од Декларацијата за независност на Соединетите Американски Држави. Прославата започна со музички изведби, а кратко потоа, американскиот претседател Доналд Трамп го започна својот говор.

Трамп го потврди своето противење на комунизмот, изјавувајќи дека „не сакаме комунисти во нашата земја “ додека се обраќаше пред толпата за време на прославите на 4 јули на Националниот мол во Вашингтон. „Комунистите немаат никаква шанса“, додаде тој.

„Никогаш не сме престанале да ги шириме нашите амбиции и соништа. Американскиот сон се врати – многу силен и прекрасен“, рече тој, пофалувајќи ги вооружените сили на земјата, кои повтори дека биле обновени за време на неговиот прв мандат и биле користени „со огромен успех“ во Венецуела и Иран.

Американскиот претседател го спореди настанот со поразот што САД ѝ го нанесоа на Шпанија на Филипините во 19 век.

Трамп рече дека земјата отсекогаш се залагала за каузата на слободата, поздравувајќи ги ветераните од Втората светска војна на сцената и заблагодарувајќи им се за нивната служба.