Над 200.000 лажни кондоми од Кина се продадени во Европа, алармира ДПА.

  Според соопштението објавено во вторник од Европската канцеларија за борба против измами (OLAF), контрацептивните средства биле продавани под името и логото на добро позната марка.

Агенцијата со седиште во Брисел не го откри точното името на брендот .

„ Лажните кондоми се опасни. Тие не се тестирани, не се контролирани и не се безбедни. Тие можат да придонесат за ширење на сексуално преносливи инфекции “, рече директорот на OLAF, Питер Клемент.

Според агенцијата, фалсификуваните кондоми не ги исполнуваат барањата на ЕУ за квалитет на медицински помагала, особено во однос на рокот на траење, стабилноста или тестовите за контаминација.

Европската агенција го идентификуваше патот на шверцување на фалсификуваните кондоми, се додава во соопштението. Во соработка со царинските власти во Романија, Србија и Шпанија, OLAF ги провери запленетите производи по добивањето на првичните известувања од националните власти.

Лажните кондоми, со проценета пазарна вредност од над 200.000 евра (околу 230.000 долари), потекнуваат од истиот извор во Кина и биле лажно пријавени како играчки.