Судскиот совет со поддршка за Даниела Димовска за претседател на Кривичниот суд во Скопје

Даниела Димовска е избрана за нова претседателка на Основниот кривичен суд. За неа гласаа 11 членови на Судскиот совет на денешната седница.
– Констатирам дека Советот донесе одлука со која Даниела Димовска се избира за претседател на Основен кривичен суд – Скопје, изјави претседателот на Судскиот совет Александар Камбовски.
Димовска досега ја извршуваше функцијата вршител на должноста претседател на Основниот кривичен суд Скопје.
Нејзин противкандидат беше Ивица Стефановски, кој ги водеше предметите против Стојанче Јовановски и Љупчо Палевски – Палчо.