Русија започна ракетен напад врз украинскиот главен град рано утрово во саботата. Најмалку пет моќни експлозии го потресоа Киев неколку минути пред да почнат да се огласуваат сирените за воздушен напад , објави „Киев пост“.
Експлозиите се слушнале околу 3:38 часот наутро, кратко пред властите да издадат предупредувања во Киев и околниот регион.
„Непријателот го напаѓа главниот град со ракети. Ве молиме останете на безбедни места“, напиша на Телеграм Тимур Ткаченко, началник на Воената администрација на градот Киев.
Украинските воздухопловни сили подоцна потврдија активна ракетна закана кон градот.
Прелиминарните извештаи од украинските мониторинг канали сугерираат дека Русија можеби користела балистички ракети „Искандер-М“ или ракети „С-300/С-400“ лансирани од соседниот регион Брјанск.
Украинските власти сè уште не ги потврдија точните видови ракети , ниту пак објавија информации за жртви или штети.
