Соединетите Американски Држави замрзнаа криптовалути во вредност од над 130 милиони долари, кои се чуваат a сеповрзани со Централната банка на Иран, изјави американскиот министер за финансии Скот Бесант, цитиран од Вион.

Тој рече дека овој потег е дел од пошироката кампања на Министерството за финансии за спречување на Иран да користи дигитални средства за финансирање на своите активности. Бесент нагласи дека министерството е посветено на попречување и ограничување на нелегалните финансиски активности на Иран, вклучително и злоупотребата на дигитални средства.

Тој рече дека Канцеларијата за контрола на странски средства при Министерството за финансии вовела санкции врз повеќе портфолија поврзани со Централната банка на Иран, блокирајќи повеќе од 130 милиони долари. Бесент рече дека Министерството за финансии ќе продолжи да ги таргетира финансиските канали на Иран за да го ограничи пристапот на владата до нелегални приходи.

Санкциите беа воведени од Канцеларијата за контрола на странски средства (OFAC) на Министерството за финансии, која ги надгледува економските и трговските санкции на САД. Тие доаѓаат во услови на зголемен финансиски притисок врз Техеран од страна на администрацијата на Трамп.

Вашингтон се обидува да ги заостри економските ограничувања против Исламската Република, во услови на зголемени регионални тензии.