„НАТО е загрижен“
Според разузнавачките информации со кои располага СВР, претставници од министерствата на „клучните членки на НАТО“ изразиле загриженост за амбициите на Германија поврзани со нуклеарните програми, се наведува во соопштението на службата.
SVR тврди дека загриженоста се однесува на истражувања во областите на напредни материјали, физика на ударни бранови, нуклеарна и неутронска физика, во кои учествуваат околу 30 германски универзитети.
Меѓу институциите наведени како вклучени во ова истражување, според руската служба, се Технолошкиот институт Карлсруе, Универзитетот Рур во Бохум, Универзитетот Лудвиг Максимилијан во Минхен, Технолошкиот универзитет во Ахен и Техничкиот универзитет во Берлин.
Руските разузнавачки служби тврдат дека се спроведуваат практични експерименти на шесте истражувачки реактори што работат во рамките на овие центри.
„Можеме да го имаме за една година“
СВР, исто така, соопшти дека Германија спроведува координирани активности за развој на високоенергетски експлозиви и системи за електронска детонација, со учество на одбранбени компании како што се „Рајнметал“, „Дил Штифтунг“, „КНДС Груп“ и „Умарекс“.
СВР тврди дека ваквите проценки предизвикале загриженост кај некои од сојузниците на Германија, особено поради плановите на Берлин за зајакнување на своите вооружени сили под канцеларот Фридрих Мерц.
Германија е потписничка на Договорот за неширење на нуклеарно оружје (NPT), кој ѝ забранува да развива или стекнува нуклеарно оружје.
Берлин, исто така, учествува во програмата на НАТО за споделување на нуклеарно оружје, според која американското нуклеарно оружје останува под контрола на Соединетите Американски Држави.
